قصة مؤثرة تدمع العين والقلب

بسم الله الرحمن الرحيم


والصلاة والسلام على الرسول الأمين وعلى أله وصحبه أجمعين




كان فيه جلسه شبابيه عندي بالبيت ( أصدقاء عبدالله ولدي ) وكانوا يتدربون على إلقاء كلمه ،، ويتسلون بالمسابقات والألغاز وغيرها ،، فأقتحمت عليهم جلستهم ( بعد إستئذاني من عبدالله ) ،، وجلست بينهم وسولفت معاهم وقبل لا ألقي كلمه ،، سألتهم :




ما هو أجمل شيء تتمنى أن يكون لديك ؟؟





الشباب واحد قال : سياره فخمه ،، الثاني يقول : مجموعه من cd للبلاي ستيشن ،، والثالث يقول : مجموعة كتب ،، والرابع يقول كشته في البر أسبوع ،، والخامس صوت جميل علشان أنشد ،، والسادس يقول كذا ،، ويوم جاء دور عبدالله ،، قلت له : وأنت وش تتمنى يايبه ؟؟ قال : حلمي يا يبه ماراح يتحقق ،، وعلشان كذا أعفيني من ذكره ،، قلت له : متى ما كان عندك عزيمه ،، تقدر تحقق كل أحلامك ،، قال : إلا هذا يا يبه ،، ولذا أعفيني لأني ما راح أكذب وأبدل أمنيتي ،، قلت له : ليه تكذب ،، قل أمنيتك ،، ويمكن أقدر أساعدك على تحقيقه ،، وهذا وعد مني إن شاء الله إذا فيه خير لك وللجميع .





قال : أتمنى أن أشوف أمي كل صباح





وتقول لي





((((( رح الله يرضي عليك ))))





هنا ألجمني عبدالله وخنقني بعبرتي ،، حتى ساد الصمت المجلس ،، وبكى بعض ربعه وهو مثل الجبل شامخ ،، يناظرنا للجميع بهدوء وسكينه .





( للي ما يدري أقوله ،، عبدالله ولدي أمه متوفيه من صغره )





ما تمنى عبدالله ،، سياره فخمه ولا بيت مستقل ولا أرصده بالبنوك ولا محفظه مليانه أسهم ،، ولا ولا ولا ،، تمنى أن أمه تقوله كل صبح





رح الله يرضى عليك كل صباح





هنا قلت له وللحاضرين ( سأكتب بعض ما قلته من الذاكره )





خل قبر أمك أهو قلبك ،، وأدفنها بوسطه ،، وزينه بنور عملك الصالح ،، وبر أحبابها والمقربين لها





يا شباب ،، ما راح تعرفون قدر الأم أو الأب حتى تتزوجون ،، ويكون لكم عيال ،، ساعتها بس ،، تعرفون قدر الوالدين ،، ومقدرا حبهم لعيالهم .





يا شباب ،، ما فيه أرقى وألطف وأرق وأحن من قلب الوالدين ،، ولا شفتوا منهم قسوه ،، فهذا من خوفهم عليكم ،، ومن محبتهم لكم ،، وتقديرهم لأمور ما راح تعرفونها اليوم ،، ولا قسى قلبكم عليهم ،، فكونوا على يقين بأن اللي في صدوركم مجرد صخر جلمود ،، وأنتبهوا تطلقون عليه مسمى قلب يوم من الأيام .



اللي قلبه حي ،، ما يؤذي أمه ،، اللي قلبه ينبض ،، ما يؤذي أبوه ،، اللي قلبه حي ،، يتذكر وش كان هو ،، بليا أبوه وأمه ،، اللي قلبه فيه ذره من حياة ،، يتذكر من يوم أنولد إلى يومنا هذا ،، وش سوى له والديه .




يا شباب ،، قبل لا تفكرون بأهداء هديه لأي أحد ،، فكروا بالأول بوالديكم إن كانوا أحياء ،، وإذا كانوا من الأموات ،، فهديتكم لهم ،، الدعاء والصدقه والعمل الصالح .




يا شباب ،، قبلوا أيادي أمهاتكم وإبائكم كل يوم وليله وأطلبوا رضاهم لأن في رضاهم رضى ربكم ،، وإياكم ورفع الصوت عليهم أو مجادلتهم ،، وأحسنوا إليهم علشان ربكم يحسن إليكم ،، وأنفقوا عليهم إن كانوا محتاجين ،، ولا تقهرونهم لأي سبب في دنيا (( زايله )) ،، قولوا لهم : سمعا وطاعه فيما يرضي الله ورسوله ،، أخفضوا لهم جناح الذل من الرحمه ،، وتذكروا قول الله تعالى ( وَقَضَى رَبُّكَ أَلاَّ تَعْبُدُواْ إِلاَّ إِيَّاهُوَبِالْوَالِدَيْنِ إِحْسَانًا إِمَّا يَبْلُغَنَّ عِندَكَ الْكِبَرَ أَحَدُهُمَاأَوْ كِلاَهُمَا فَلاَ تَقُل لَّهُمَآ أُفٍّ وَلاَ تَنْهَرْهُمَا وَقُل لَّهُمَاقَوْلاً كَرِيمًا وَاخْفِضْ لَهُمَا جَنَاحَ الذُّلِّ مِنَ الرَّحْمَةِ وَقُلرَّبِّ ارْحَمْهُمَا كَمَا رَبَّيَانِي صَغِيرًا ) الإسراء





وقوله تعالى ( أَنِ اشْكُرْ لِي وَلِوَالِدَيْكَ إِلَيَّالْمَصِيرُ ) لقمان





الشكر للوالدين هنا بحسن عملك معهما وإحترامهما ورفع شآنهما لكي يرفع الله شآنك بالدارين





صدقت يا عبدالله يا وليدي ،، ما راح اقدر أحقق لك هذي الأمنيه ،، ومن أصعب الأمور على الأب عدم قدرته تحقيق أماني عياله ،، والحمد لله على قضائه





يا وليدي ،، تبي تجتمع مع أمك في الفردوس الأعلى برحمة رب العالمين ؟؟





كن صالح ،، أدعي لها ولنفسك ،، برها وهي بقبرها ،، صل الرحم ،، خلك مثل ما أمك تحب لك من خير ،، وأسأل الله أن يجمعك وإياها تحت ظل عرشه يوم لا ظل إلا ظله .





يا جماعة الخير





هذي التوصيات اللي ربكم سبحانه وتعالى يوصيكم به ،، ورسوله صلى الله عليه وسلم ،، فلا تسعوا خلف توصيات البشر ،، وتنسوا توصيات رب البشر ،، ورسولكم وقائدكم وقدوتكم الصادق الأمين





قال تعالى ( وَاعْبُدُواْ اللّهَ وَلاَ تُشْرِكُواْبِهِ شَيْئًا وَبِالْوَالِدَيْنِ إِحْسَانًا ) النساء





وقال تعالى ( وَوَصَّيْنَا الإنْسَانَ بِوَالِدَيْهِ إِحْسَاناًحَمَلَتْهُ أُمُّهُ كُرْهاً وَوَضَعَتْهُ كُرْهاً ) الاحقاف





وتذكروا حديث الرسول صلى الله عليه وسلم ،، قيل: يا رسول الله : من أحق الناس بحسن صحابتي ؟ قال : أمك ،، قال : ثم من ؟ قال : أمك ،قال : ثم من ؟ قال : ثم من ؟ قال : أبوك )





والآن خذوا مني هذه التذكره بتوصية الرسول صلى الله عليه وسلم لكم



سئل النبي صلى الله عليه وسلم ،، عن حق الوالدين بعد وفاتهمافقال له سائل : ( يا رسول الله هل بقي من بر أبوي شيء أبرهما به بعد وفاتهما ؟ قال: نعم ،، الصلاة عليهما ،، والاستغفار لهما ،، وإنفاذ عهدهما من بعدهما ،، وإكرام صديقهما ،،وصلة الرحم التي لا توصل إلا بهما )





والآن أستمعوا معي لهذا المقطع بالرابط ،، , وأذا دمعت عينك ياأخي الفاضل فلا تلومني ،، وإذا دمعت عينك ياأختي الكريمه فلا تلوميني ،، ولكن أحمدوا الله أن لازال في صدوركم قلوب تنبض .

منقوووووووووووووووول

وين الردود

لآهنــــــــــــــــت ع القصه تسســــــــــــــــــــــــــــــــــــلم ياغاليــــ